Filastrocche "Sirudelle" - Noi di LuzZAra

Vai ai contenuti

Menu principale:

Filastrocche "Sirudelle"

Dialetto
Filastrocche 
"le Sirudelle"
raccolte da Fausto Scappi
*
Santa Lucia, máma mia,
cun la búrsa dal papà Santa Lucia la purtarà,
la purtarà di bei bilén par cói ca sarà di brav pütén
*
Din don dèla campanèla,
al papà lé andà ala guèra,
algà paüra di canón pim póm pim póm
*
Lümaga lümaghén, tira föra i tö curnén
c'andarém a San Martén,
San Martén e pigugnága salta föra la lümaga...
*
Cóstu l'é andà in dal fòs,
cástu allá tirà sö,
cóstu allá sügà,
cóstu al ga fat la söpa
e cóstu clè al pö piculén allá magnáda töta
*
A piöv la gàta la fà l'öv,
I gatìn i siga, la gàta l'as marìda...
L'as marìda sóta l'ós e té at sé an bel marlös!!!
*
Din dón campanón li campani di casón,
s'era me ca ia sunáva, pan e vin a guadagnáva.
Guadagnáva an pèr ad capón da purtár al Siùr Padrón,
al siùr padrón al gh'era mia, ai' hò dat a na sö sia,
la sö sia la ia mia vrü, ai' ho dat al bun Gesu'.
*
la vècia cucùna, la bàla e la suna,
la fà i turtèi, lan da gnint ai sö fradèi,
i sö fradèi i fà la panaáda, in dá gnint a la vècia pláda.
La vècia pláda, la và in dal fòs, la sa sgrèla töt a dòs…
e l'as pulès cul dì gròs!
*
Lava lava li scüdeli ,
par magnár li táiadeli ,
lávli bén , lávli mal ,
böta l'acqua in dal canal
*
Urcina bèla , sö surèla ,
ucén bèl , sö fradèl ,
la bóca di frà e al campanón cal fa din dón, a suná…
*
mòta marmòta, pècia la porta,
pècia al purtón,
da an s'ciafón al tö padrón
*
La manìna máta la pècia chi la càta
la càta al sö padrón pim póm
la gh’mòla un bèl s’ciafón
*
Gh’era ’na volta Pedrinvolta cal cagáva in 'na sporta,
la sporta l’era róta
e Pierin ca’l gh’era sóta allà magnáda töta
*



 
Torna ai contenuti | Torna al menu